متحول من دى سى فى عالم الاكس مين كومك من اعدادى

[wolverine]

السلام عليكم
أيها الكوميكيون العرب

أسم المنتدى وصورته يدلان على الاعمل المقدمة خلاله
اذا يمكن عمل كومك عربى بأيد عربية
واحد يرسم
واحد يألف سيناريو
واحد يصور
واحد يحرر
واحد ينسق
واحد يلون
وللأسف أنا عايز معاونين يا ترى هل أجدكم؟

على العموم اذا تواجدتم يمكنكم مراسلتى على الخاص أو أطلبوا أميل الفيس بوك
المهم لم أجد معاونين
رسمت
ألفت
أخرجت
نسقت
وهوبا تعبت مقدرتش ألون
أيوة يا عم أنت فاكرنى مكنة حلاقة مبتعبش

المهم طبعا أدمتهم الاول للأستاذ أحمد عبده والاستاذ الفنان جمال امام وكان رد الفعل مبهر فظيع
طلع وحش والرسم ضعيف وأنى أحتفظ بيه أحسن

طب يرضيكم كده أحتفظ بيه من غير ما حد يشوفوه
قلت أشاركم الموضوع أهو لو حد أحول فى مناخيره أو أعمى فى عنيه يتبينله العكس
بصوا الصراحة أنا مبزمش فى موضوعى بس من وجهة نظرى لما واحد يعمل كل ده لوحده لازم متعجبش حد
وأسألوا هتلاقوا أنى خرجت عرقان وقرفان من كتر العمل 3 ساعات متواصلة بس فى النص صليت

المهم من وجهة نظرى ده يستحق جايزة أوسكار قولو ليه هو غرور أقلكم:
لا يا باشا مينفعش فيلم يبقى فيه البطل هو المنتج والمخرج وبتاع المزيكا والاوديو والمصور وبتاع المكياج (الكافار بالنسبة لعملنا) هيهنج هيموت الراجل أو الفيلم يطلع مطلسق
أنا عملت كده أنا حطمت المستحيل اللى محدش عمله
أنا اللى جبت جون فى كاس العالم
طبعا الجملتين دول هزار المهم
فهل تتكرموا وتحملوا الكومك الضعيف المكون من 7 مقاطع
خلى بالكم الصفحة بتاعت فى العدد القادم مميزة

يا ريت لو الاستاذ أحمد أو الاستاذ جمال شايف الموضوع أحب أشكرهم لانى عدلت وقصقصت الحاجات اللى حولين الصورة وأضفت صفحة أخيرة حلوة
معلش هعدل الموضوع عشان حاجة جوهرية وهى أنى أتقدم بشكر خاااااااااااااااااااااااااص جدا للسيد جمال امام لانه أتدخل فى الموضوع فخلاه تحفة لانه هو مصمم الغلاف عايزين صقفة عالية وتحية كبيرة



ندخل بقه فى الجد والرابط
[تم حجب الرابط الخارجي عن الزوار]
وطبعا أحلى تحية للأستاذ أحمد عبده اللى وواجب عليه يعدل كل موضوع وينمقه ويخليه يطلع فى صورة حلوة وجيلة

طبعا ده فور شيرد يعنى أسهل حاجة يا ريت زى ما بيقولوا مكنش بكلم فى حيطة أو بهاتى أو بكلم نفسى وتردوا والنقض مقبول لان العملية طالما معجبتنش الاستاذ أحمد أو الاستاذ جمال تبقى فى الباى باى فكده كده أنا تلقيت الصدمة أدخل بالتعليقات

[Ahmed Abdo]

يكفيك شرف المحاولة...بالتوفيق دائماً عزيزي نور

[Mohamed M. Ali]

ممتاز شايف فيك الموهبه
واصل

[weeert22]

يا سيدى الله يخليك و ربنا يوفقك وانا معملتش حاجة .... المهم
1- اهتم باللغة اكتر من كدة
2- عشان خاطرى اتعلم اساسيات الرسم و اشتغل على نفسك
3- فى ناس بترسم و تألف القصص بتاعتها و المثال فى مارفل (( ستان لى )) عادى يعنى
4- حبر ديجيتال مدام ممعاكش كاميرا صورتها كويسة و درجه وضوحها عالية .
..... اخيرا ربنا يوفقك

[hady james wolf]

احلى رسمه فى القصه كلها سيريبرو لما البروفيسور كان داخلها بالكرسى
و ياريت ترسم ولفيرين زى الكرتون مثلا wolverine and the x-men مش زى الانمى اليابانى
واتمنى بردو انك متحطش الصوره نفسها 100 مره فى القصه عشان دماغى لفت
هى دى الحاجات الى عايزه تتعدل اما الباقى لا يمكن اصلاحه
انا طبعا بهزر ..........كالعاده